પ્રભુજી વનમાં ચારે ધેન ગુજરાતી લિરિક્સ: Prabhuji Van Ma Chare Dhenu old lokgeet song Lyrics by traditional and sung as Krushna Garba song in navratri dandiya raas.
પ્રભુજી વનમાં ચારે ધેન Lyrics in Gujarati
વગાડી રૂડી વાંસળી રે લોલ
રાધાગોરી ભાતડિયાં લઈ જાય
ચલાણે ચોળ્યાં ચૂરમાં રે લોલ
પ્રભુજી કિયાં ઉતારું ભાત
કે કિંયા બેસીને જમશો રે લોલ
રાધાગોરી આસોપાલવને ઝાડ
કે શીતળ છાંયડી રે લોલ
રાધાગોરી તિયાં ઉતારો ભાત
કે તિયાં બેસીને જમશું રે લોલ
રાધાગોરી ઓલા કાંઠે ધેન
કે ધેન પાછી વાળજો રે લોલ
પ્રભુજી તમારી હેવાયેલ ધેન
અમારી વાળી નહીં વળે રે લોલ
પ્રભુજીને ચટકે ચડિયલ રીસ
કે જમતાં ઊઠિયા રે લોલ
રાધાજીને ચટકે ચડિયલ રીસ
કે ભોગળ ભીડિયાં રે લોલ
ઝીણા ઝરમર વરસે મેહ
કે કૃષ્ણ ભીંજાય બારણે રે લોલ
રાધાગોરી ઉઘાડો કમાડ
કે પ્રભુ ભીંજાય બારણે રે લોલ
જાવ જાવ માનેતીને મોલ
કે અહીં શીદ આવિયા રે લોલ
જાશું જાશું માનેતીને મોલ
કે પછી થાશે ઓરતા રે લોલ
રાધાગોરી એક મોતી ને બીજી ફાડ
કે ભાંગ્યાં પછી નહીં મળે રે લોલ
રાધાગોરી હીરમાં પડિયલ ગાંઠ
કે તૂટે પણ નહીં છૂટે રે લોલ
રાધાજીને આંગણે ઊંડી કુઈ
કે કંકર ભારે નાખિયાં રે લોલ
ધબકે ઉઘડ્યાં કમાડ
કે રાધાજી ઝટ દોડિયા રે લોલ
રાધાગોરીને ઝમરક દીવડો હાથ
હાલ્યાં હરિને ગોતવાં રે લોલ
કોઈ મને દેખાડો દીનાનાથ
કે આપું વધામણી રે લોલ
આપું મારા હૈડાં કેરો હાર
કે માથા કેરી દામણી રે લોલ
રાધાગોરી રાખો હારડો હૈડાં પાસ
કે હરિ આવ્યાં હસતાં રે લોલ
કાનુડાના લખેલા ગરબા લિરિક્સ
1.
2.
3.
4.
#Prabhuji #Vanma #Chare #Dhenu #Lyrics #Gujarati
Leave a Comment